ATH! Tónleikar kl.18 og 20.30.

Alls konar jóla er nafn á jólatónleikum sem haldnir verða þriðjudaginn 12. desember í Gamla bíói en þá munu þrír kórar og einn sönghópur leiða saman hesta sína. Hóparnir eru Olga Vocal Ensemble, Hinsegin kórinn, Hljómfélagið og Spectrum og eru þeir þekktir fyrir vandaðan söng og skemmtilega sviðsframkomu. Hver hópur flytur sín uppáhalds jólalög en sameinast líka í söng, þannig að úr verður sannkölluð jólastemmningar-sprengja. Við lofum ykkur einstakri upplifun sem mun koma ykkur rækilega í gírinn fyrir jólin. Tónleikarnir verða í senn hátíðlegir og glaðlegir, uppfullir af húmor og barnslegri eftirvæntingu eftir jólunum.

Tryggið ykkur miða!